Die aanspreeklikheid van werknemers vir groepswangedrag

Abstract

Wanneer partye 'n dienskontrak sluit, verkry elkeen sekere regte en verpligtinge. Twee verpligtinge wat 'n werknemer teenoor sy werkgewer het en wat van besondere belang by hierdie werk is, is die werknemer se plig van goeie trou en vertroulikheid en sy plig om horn van wangedrag te weerhou. Skending van die werknemer se plig van goeie trou en vertroulikheid kan verskeie vorme aanneem en regverdig in die meeste gevalle die beeindiging van die dienskontrak. Vertroue vorm die basis van die diensverhouding en indien die werkgewer nie sy werknemer kan vertrou nie, sal dit vanselfsprekend moeilik wees om die diensverhouding voort te sit.