| dc.description.abstract | Hierdie bundel is 'n gewysigde en aangevulde herdruk van Woordvorming
en Funksiewisseling in Afrikaans. Waar kritiek op foute en antler tekortkominge
gewys het, is geprobeer om dit in hoe mate te verbeter. Daarmee
word egter nou nog nie 'n bundel uitgegee wat sy skrywer in die hoogste
mate tevrede stel nie. Sedert die eerste druk het die Transformasionele
Grammatika so ontwikkel dat 'n mens baie graag sommige van die T.G.begrippe
op die materiaal van hierdie bundel wou toepas. Ten opsigte van
die kompositum sou dit maklik kon geskied, al sou so 'n verwerking daar
dan totaal anders uitsien. Maar ten opsigte van die gebied van die afleiding
is die T.G. tans (Mei 1968) nog nie ver genoeg nie, ook nie ten opsigte van
die gebied van die woordsoortelike meerfunksionaliteit nie. Daarom is hi erdie
werk nog hoofsaaklik tradisioneel gehou.
Betekenisse van woorde word meesal net aangegee waar rede bestaan
om te meen dat die gemiddelde leser dit miskien nie ken nie.
,,Woordsoortelike meerfunksionaliteit" vervang ,,Funksiewisseling" van
die eerste druk omdat ,,Funksiewisseling" meer se as wat bedoel is of gegee
word, en om dieselfde rede word "Woordvorming" nou vervang deur
"Samestelling" en "Afleiding". Eintlik is die titel nog steeds nie goed nie
en sou byvoorbeeld " 'n Bydrae tot ons kennis van Komposita, Afleidinge
en Woordsoortelike Meerfunksionaliteit" beter gewees het, maar dit sou
as onbeskeie beskou kon word. Die boot moet dus maar in sy huidige
vorm die see in. | en_US |
