Bio-ekologiese studies van Amblyseius [A.] Teke Pritchard & Baker, en A. (Mesoseiulus) Longipes (Evans Acarina : Phytoseiidae)

Abstract

Die aspekte van die bio-ekologie van Arnblyseius (A.) teke Pritchard & Baker en A. (Mesoseiulus) longipes (Evans) wat gedurende hierdie studie ondersoek is, is die volgende: die lengte van die lewenslope van beide spesies, die eierleggingspotensiaal van die wyfies. Waarnemings is in verband met hulle gedrag gedoen en die prooi-predatorverhoudings is bestudeer. 'n Apparaat om die invloed van temperatuur en relatiewe humiditeit op die lengte van die lewenslope te bepaal, is ontwerp en word beskryf.