The future role of financial intermediaries in the South African commercial paper market

Abstract

Handelspapier is 'n onversekerde promesse met 'n vasgsetelde of 'n swewende vervaldatum. Die uitreiker van handelspapier belowe om die regmatige houer daarvan 'n sekere bedrag geld, naamlik die sigwaarde van die wissel op vervaldatum te betaal. In die Amerikaanse en Europese markte is handelspapier onversekerd. Die uitreiker verpand geen bates nie maar alleenlik sy vermoe en toekomstige verdienste wat horn in staat sal stel om sy verpligtinge teenoor die houer op die vervaldatum te kan nakom. Die handelspapiermarkte bestaan al sedert die negentiende eeu in die Vereenigde State van Amerika. Gedurende die periode 1920 tot en met 1960 is die mark deur finansiele instellings oorheers. Die grootste beleggers gedurende hierdie periode was die Amerikaanse banke. General Motors Acceptance Corporation was in 1920 die eerste maatskappy in Amerika wat handelspapier direk uitgereik het aan beleggers sonder om gebruik te maak van finansiele tussengangers soos banke of makelaars. 'n Hele aantal bekende Amerikaanse ondememings het General Motors Acceptance Corporation se voorbeeld gevolg en sodoende was daar betreklik gou 'n gesonde aanbod van kwaliteit handelspapier. Die aanvanklike weiering van The Bank of England om sy steun te gee aan die vorming van 'n Sterling-handelspapiermark was grootliks die rede <lat handelspapier vir lank 'n Amerikaanse verskynsel gebly het. Die handelspapiermark in Engeland het eers in Mei 1986 geopen. Aanvanklik het die Sterling handelspapiermark redelik baie probleme ondervind met 'n aantal wetlike regulasies en reelings wat die ontwikkeling van die mark gestrem het. Wetgewing wat die totstandkoming van die Suid-Afrikaanse handelspapiermark moontlik gemaak het, is gepromulgeer op 3 Januarie 1992. Regulasies wat die uitreiking van handelspapier in terme van Die Bank Wet (94/1990) reguleer, word elke Januarie in die Staatskoerant gepubliseer. Hierdie regulasies bly van krag vir 'n periode van een jaar totdat nuwe regulasies dan weer uitgevaardig word.