Complex negotiations in local governance: the municipal beer hall debate in East London, 1956 to 1962.

Abstract

Gedurende die 1930s, het die Stadsraad van Oos-Londen herhaaldelik probeer om die bierbrouery in die swart woonbuurt van Duncan Village te beheer. Telkens het hierdie pogings gefaal, en teen 1947 moes die Stadsraad die verbod op tuisbrouery ophef. In 1956 het die plaaslike amptenare met hernude entoesiasme probeer om ’n munisipale monopolie op bierproduksie te bewerkstellig. In die proses moes hulle ’n skeptiese swart Adviesraad probeer oortuig alvorens hierdie besluit bekragtig kon word. Die Duncan Village Adviesraad het die amptenare se eie paternalistiese argumente gebruik om die besluit teë te staan. Hierdie wedersydse argumente is ’n insiggewende voorbeeld van die onderliggende dinamika van paternalistiese administrasie tydens die 1950s, en gee ’n waardevolle blik op stedelike swart politieke dinamika. Die artikel beskryf hierdie komplekse onderhandelinge oor ‘n termyn van sewe jaar t.o.v. Raadsbesluite en verslae, sowel as die 1957 SABRA simposium oor alkoholregulering. In 1962 het die bevindinge van ’n Kommissie van Ondersoek uiteindelik gelei het tot hernude munisipale bierproduksie in Oos-Londen. In ’n konteks van ingewikkelde rasseverhoudinge, het dit 25-jaar geneem vir die Oos-Londense stadsvaders om hulle wil as’t ware op die swart gemeenskap van Duncan Village af te “dwing”.