Die sintaksis van die deelwoord : 'n vergelykende studie van die deelwoordgebruik in Hebreeus, Aramees en Siries met spesifieke verwysing na die boek Joël

Abstract

Hierdie skripsie handel oor 'n vergelykende studie ten opsigte van die gebruik van die deelwoord in Bybelse Hebreeus, Targum-Aramees en Peshitta-Siries, met spesifieke verwysing na die boek Joel. Vir die beoordeling van die resultate van hierdie studie moet in gedagte gehou word dat daar baie min beskikbare bronne ten opsigte van hierdie veld van ondersoek is, veral betreffende Targum-Aramees en Peshitta-Siries. Die mees gesaghebbende bron ten opsigte van Targum-Aramees vir hierdie studie was die boek van Stevenson W.M.B., Palestinian Jewish Aramaic wat alreeds in 1924 verskyn het (Stevenson, 1924:5). Ten opsigte van die Peshitta-Siries is daar gelukkig meer resente werke veral die werk van Noldeke T, Kurzgefasste Syrische Grammatik wat in 1966 verskyn het en die werk van onder andere Takami tsu Muraoka ( 1987: 1-131). Die reeks Internationale Zeitschriftenschau fUr Bibelwissenschaft und Grenzgebiete, wat ui ttreksels van alle gepubliseerde artikels bevat wat oor 'n tydperk van 35 jaar verskyn het, het geen artikels oor hierdie onderwerp nie. Verder is daar werklik min gekontroleerde inligting oor die gebruik van die deelwoord tussen bogenoemde drie tale beskikbaar. Professor M.Z. Kaddari van die BAR-ILAN Universiteit Ramat-Gan, Israel skryf as volg;