Afrikaner identity formations in Willem Boshoff’s 32 000 Darling Little Nuisances (2003) and Jan van der Merwe’s Wag (2000)
Abstract
Hierdie artikel ondersoek die wyses waarop die Suid-Afrikaanse konseptuele kunstenaars Willem
Boshoff in 32 000 Darling Little Nuisances [32 000 Skattige Klein Lasposte] en Jan van der
Merwe in Wag kompleksiteite van Afrikaneridentiteit aanspreek soos beïnvloed deur ongelyke
magsverhoudinge gedurende die koloniale era van die land. Albei die installasies neem die Anglo-
Boereoorlog [Tweede Vryheidsoorlog] (1899-1902) as sentrale vertrekpunt. Die teoretiese raamwerk
vir die lees en interpretasies van die gekose installasies is postkoloniale kritiek op die wyses waarop
kolonialisme en nasionalisme ontheemding [ontworteling], asook die soeke en herposisionering
van identiteit beïnvloed het soos wat dit in die gekose kunsinstallasies uitgebeeld word. Ons
argumenteer dat Van der Merwe en Boshoff verskillend omgaan met hul persoonlike, kollektiewe
en historiese identiteitskwessies in die gekose kunsinstallasies deur die artistieke representasies van
hul subjektiewe self. Hierdie representasies is inherent beïnvloed deur hulle persoonlike, sowel as
kollektiewe en historiese herinneringe aan die verlede.
Collections
- Faculty of Humanities [2033]