| dc.description.abstract | Toe wyle dr. Eric Louw se oë ingegee en hy gevolglik die skryfwerk
aan sy beplande outobiografie moes laat vaar, het skrywer hiervan
in beskeidenheid aangebied om sy lewensgeskiedenis te boek te stel.
Dr. Louw het horn die aanbod laat welgeval en sy samewerking beloof,
dog ses weke later is hy oorlede. Na.mate die navorsing verdiep
en die wye ervaringswêreld van Eric Louw via beskikbare bronnemateriaal
en mondelinge oorleweringe betree is, het die gevoel van
spyt omdat daar nie veel eerder met hierdie taak begin is nie, al
grater geword. Gelukkig kon ek staatmaak op die hulp en samewerking
van sy weduwee, mev. Anna M. Louw, wat inderdaad uit haar pad gegaan
het om al my navrae te beantwoord, inforrrasie en dokumente te
verskaf, ens. Aan haar, hul seun adv. Martin Louw en mev. M.S.
Jordaan, wyle cir, Louw se suster, in die eerste instansie dus my
hartlikste dank en waardering vir betoonde medewerking.
Die personeel en hoofde van biblioteke en argiefbewaarplekke, wat
te alle tye so geredelik behulpsaam was en deur wie se goedgesindheid
en toestemming so 'n wye verskeidenheid bronnemateriaal vir my
ontsluit kon word, het veel daartoe bygedra om my taak te vergemaklik.
In die besonder wil ek verwys na die Instituut vir Eietydse
Geskiedenis aan die Universiteit van die Oranje-Vrystaat,
met sy ryke skat van dokumente-versamelings en ander inligtingsmateriaal
betreffende die terrein waarop ek werksaam is. Dit was
my voorreg om vir 'n tyd aan die instansie verbonde te wees, weliswaar
onder 'n vroeere bedeling; daar en destyds kon my sluimerende
belangstelling in die kontemporêre politieke geskiedenis van my
land tot volle ontplooiing gedy. In 'n sekere sin is hierdie proefskrif
ook tasbare rentmeesterskap van daardie skolingstydperk in
my lewe.
Die Staatsargiefdiens se bewaarplekke van Pretoria, Kaapstad en
Bloemfontein het ook veel tot die voltooiing van hierdie navorsing
bygedra, veral deur die verlening van toestemming om sekere gesote
versamelings te raadpleeg. Met dieselfde hoe waardering noem ek
graag ook die volgende instansies: die Suid-Afrikaanse Biblioteek,
Kaapstad; die Staatsbiblioteek, Pretoria; die Johannesburgse
Openbare Biblioteek; biblioteke van die universiteite van Stellenbosch,
Kaapstad, Grahamstad, Potchefstroom en die van die Randse
Afrikaanse Universiteit; die N.G.-Kerkargief, Bloemfontein; die
Skoolraad van Beaufort-Wes, Ek noem ook die Nasionale Party van
Kaapland en die Federale Raad van die Nasionale Party, in wie se
dokumente ek deur bemiddeling van wyle sen. M.P.A. Malan gedeeltelike
insae kon kry, en laastens die altyd parate S.A. Weermagargief ,
vir hul tegemoetkomendheid.
In sy tyd was Eric Louw en die pers feitlik onafskeibaar van
mekaar; gevolglik kon ek in my pogings om aanvullende bronnsmateriaal
en inligting te bekom, ruimskoots van die kolomme van
koerante gebruik maak, Dok aan die talle persone wat as uitvloeisel
van die reklame met my gekorrespondeer het, en diegene met wie
langs ander kanale geskakel is en wat in een of ander vorm, hoe
gering soms ook al, hulp kon verleen, wil ek my dank betuig,
Onder al die kollegas wat altyd so 'n lewendige belangstelling in
my navorsing getoon het, wil ek graag enkeles uitsonder aan wie
ek besonder veel verskuldig was en wie se invloed baie sterk ten
grondslag van hierdie eindresultaat van baie jare se navorsing lê:
prof, M.C.E. van Schoor, my "tutor" in 'n belangrike fase van my
skoling in die geskiedeniswetenskap en die man wat meer as enigiemand
anders my ontluikende belangstelling in die eietydse geskiedenis
gerig het; prof, J,J, Oberholster, met sy kalmerende besadigdheid
op alle lewensterreine maar ook ten opsigte van die
besondere vakwetenskap, wat stimulerend inwerk wanneer die pen
opgeneem word; en laastens dan my promotor, prof. J,S, du Plessis,
vir sy waardevolle leiding en wenke en sy rustige oordeel.
Die pad waarlangs geloop is om by 1948 uit te kom, begin in 1659
met die aankoms van stamvader Jan Pietersz. (Broertje) Louw aan
die Kaap; ek dink veral aan hulle wat so geduldig my ervarings
op die pad moes meemaak, Teenoor al die ongenoemdes wat op welke
wyse ookal 'n aandeel in die afhandeling van hierdie proefskrif
gehad het, is my dank ewe innig. | en_US |
